Nord-Fron kommune har godkjent søknaden frå Det Kongelige Hoff om å oppføra eit lite tilbygg til eksisterande anneks på Prinsehytta i Sikkilsdalen. Det kjem fram i eit vedtak frå utval for miljø, landbruk og areal i kommunen, som behandla søknaden torsdag. Hytta, som kongefamilien tradisjonelt har brukt i påska og i jaktsesongen om hausten, ligg i eit LNFR-område.