NRK oppfylte ikkje kravet om minst 25 prosent nynorsk på radio og nett i 2025, viser Medietilsynet sitt årlege tilsyn av NRK. – Språkoppdraget til NRK er viktig, og Medietilsynet har i fleire tilsyn peika på at NRK må auke nynorskbruken for å oppfylle kravet på alle plattformer, seier direktør Mari Velsand i Medietilsynet i ei pressemelding. På nett blei 23,4 prosent av artiklane skrive på nynorsk, som er det næraste minstekravet NRK har vore.